Lukas 17

Pengajahan indik Jebag Dosa lan Pengampuran

Hyang Yesus ngandika ring para sisian Idane sekadi puniki, “Pastika bakal ada jebag ane ngranayang anake malaksana . Sakewala sengkala ja anake ane ngae jebage ento! 2 Anake ane buka keto luungan kategulin batu ane gede lantas kacemplungin ka pasihe, bandingang teken ia ngranayang pengiring Tiange ane kapracayannyane tusing kuat malaksana dosa. 3 Keto mawinan, waspada ja ragane makejang!

“Yening nyaman ragane ane pracaya teken Tiang malaksana dosa, tuturin ja ia. Yening ia nyesel, ja ia. 4 Buina yening ping pitu awai ia malaksana dosa tekening ragane, tur sebilang ia teka ngidih pelih teken ragane sambilanga ngorahang kene, ‘Tiang ngidih pelih,’ ragane musti ngampurayang ia.”

Indik Kapracayaan

5 Irika raris punika matur ring Hyang Yesus sapuniki, “Ratu, kukuhang ja kapracayaan titiange sami ring Iratu!”

6 Hyang Yesus raris nyaurin sekadi puniki, “Yening ragane ngelah kapracayaan lamen batun bingin ane cenik, ragane nyidang mrentahang punyan kayune ane gede ento kene, ‘Maabutan ja tur matanceban ja di pasihe.’ Pastika punyan kayune ento bakal nuutin prentah ragane.”

Pengumpamian Indik Pengayah sane Satya

7 Raris Hyang Yesus nglanturang pengajahan Idane sapuniki, “Umpamane ada adiri uling ragane makejang ngelah pengayah ane matekap di tegale utawi ngangonang biri-biri. Risedek pengayah iane ento mulih, pastika ia tusing bakal ngorahin pengayahe ento kene, ‘Mai ja enggalang madaar!’ 8 Nanging ia bakal ngorahang teken pengayahne kene, ‘Siaga ja ngayahin tiang! Sehin ja penganggon awake malu! Laut sadyayang ja dadaaran buat tiang, tur ayahin ja tiang kanti tiang pragat madaar lan nginem. Disubane keto, mara awake dadi madaar lan nginem!’ 9 Buina, pengayahe ento tusing pantes maan suksma disubane nglaksanayang sekancan prentah pamekelne ento. 10 Ane jani resepang ja pengumpamiane ene. Yening ragane suba nglaksanayang saluirin ane kaprentahang tekening ragane, orahang ja kene, ‘Tiang makejang tuah pengayah biasa; tiang tuah nglaksanayang tugas tiange.’”

Hyang Yesus Nyegerin Anak Sungkan Kusta

11 Ritatkala Hyang Yesus mamargi nuju Kota Yerusalem, Ida ngliwatin wates Wawidangan Samaria lan Galilea. 12 Ritatkala ngranjing ring salah tunggal kampung, wenten dasa diri anak sane keni kusta. Ipun sami rauh ring Hyang Yesus, nanging ngadeg adoh saking Ida. 13 Irika ipun majeritan sapuniki, “Guru, olasin ja titiang sami!”

14 Ritatkala Hyang Yesus nyingakin ipun sami, Ida ngandika sapuniki, “Mrika ja, edengang dewek ragane sid para sane kuasa nyambatang ragane bersih.” Risedek ipun mamargi, kustan ipune makasami ical.

15 Ritatkala salah tunggal ipun uning, yening deweknyane sampun kenak, ipun mawali ka Hyang Yesus saha masuryak ngagungang . 16 Raris ipun matimpuh ngaturang penyuksma ring Hyang Yesus. Anake punika nenten tios warga Samaria.

17 Raris Hyang Yesus ngandika sapuniki, “Nentenke wenten dasa diri sane kasegerin? Dijake malih sane sia punika? 18 Kenapake wantah anak sane tawah puniki sane mawali ngaturang penyuksma ring Sang Hyang Pengardi?” 19 Raris Hyang Yesus ngandika ring anake punika sapuniki, “Matangi ja, rarisang mamargi. Ragane sampun krana pracaya kapining Tiang.”

Sapengrauh Karajaan Sang Hyang Pengardi

20 Kaceritayang mangkin, wenten para anak mataken ring Hyang Yesus sekadi puniki, “Pidan ke ring jagate?”

Hyang Yesus nyaurin ipun sami sapuniki, “Sapengrauh Sang Hyang Pengardi dados Raja nenten ja kakawitin antuk tanda-tanda sane prasida kacingak. 21 Punika mawinan nenten wenten anak sane prasida mabaos sapuniki, ‘Cingakin ja! Karajaan Sang Hyang Pengardi wenten driki,’ utawi ‘Karajaan Sang Hyang Pengardi wenten drika!’ Krana Ida sampun ngawitin mamrentah ring tengah-tengah ragane sami.”

22 Wusan punika, Hyang Yesus raris ngandika ring para sisian Idane sapuniki, “Lakar teka galahne ragane bakal nandang sengsara kanti ragane meled ningalin sapengrauh Sang Putraning Manusa. Sakewala ragane tusing bakal ningalin paundukane ento. 23 Manian bakal ada anak ane ngraos tekening ragane kene, ‘Cingakin ja! Ida wenten driki!’ Utawi, ‘Ida wenten drika!’ Sakewala eda ja ragane pesu nugtug anake ento. 24 Krana sapengrauh Tiange, Sang Putraning Manusa, bakal ngilis ngenah patuh buka tatite kelap-kelep ane ngranayang saluirin langite galang. 25 Nanging satondene paundukane ento mamargi, Tiang musti liu nandang sengsara tur katulak tekening manusane ane idup di jamane ene.

26-27 “Ingetang ja jaman dane Nuh dugas imalu. Manusane makejang pada madaar lan nginem, luh muani pada nganten. Anake makejang idup buka biasane kanti dinane dane Nuh macelep ka kapale. Tur saget ada blabar gede ngamatiang anake makejang. Nah buka keto dina sapengrauh Sang Putraning Manusa tekane nadak.

28 “Keto masih dugas imalu duk jaman dane Lot. Buka biasane anake dugas ento madaar lan nginem, mablanja lan madagang, matatanduran lan ngwangun umah. 29 Sakewala disubane dane Lot magedi uli Kota Sodom, saget tuun api lan belerang uli langite buka ujan kanti ngamatiang makejang anake ditu krana kalintang jaat.

30 “Buka keto nadakne sapengrauh Tiange, Sang Putraning Manusa. 31 Tatkala Tiang rauh, anake ane sedek di sisi, eda ja mulihan nyemak barang-barang ane ada di tengah umahne. Keto masih anake ane sedek di tegale eda ja mulih nyemak barang-barangnyane. 32 Ingetang ja somah dane Lot ane kaukum mati krana matolihan ka Kota Sodom sasubane pesu uli kotane ento! 33 Nyen ja ane ngutsahayang nylametang idupne di gumine ene, bakal kelangan idup salamin-laminne di swarga. Sakewala nyen ja ane ngetohin idupne krana nugtug Tiang, ia bakal idup salamin-laminne di swarga.

34 “Tiang ngandikayang ane patut unduk petenge ento tatkala Tiang rauh mapagin anake ane pracaya. Ada anak ane sedek sirep di pasareane ajak dadua; ane adiri bakal kaambil, lan ane lenan bakal kalaina ditu. 35 Ada anak luh dadua sedek nebuk , ane adiri bakal kaambil lan ane lenan bakal kalaina ditu. 36 [Ada anak muani dadua sedek di tegale, ane adiri bakal kaambil, lan ane lenan bakal kalaina ditu.]”

37 Irika raris para sisian Hyang Yesuse mataken sapuniki, “Ratu, ring dijake paindikane punika jagi mamargi?”

Hyang Yesus raris ngandika sapuniki, “Dija ja ada bangke, ditu pasliwer kedise ane ngamah bangke. Nah buka keto masih, makejang anake bakal nawang dija unduke ento mamargi.”

Penuntun mabligbagan ring pasamuan:

1. Ngaturang penyuksma.

“Ngiring ja iraga ngaturang suksma mangkin. Semeton jagi ngaturang suksma indik napi?”

2. Ceritayang ja pakeweh semetone suang-suang raris iraga saling tunas icayang.

“Napike semeton wenten pakeweh mangkin?”

3. Ngwacen utawi mirengin paplajahane puniki.

4. Saurin ja pitakenne puniki:

“Napi sane plajahin iraga indik Sang Hyang Tunggal ring ceritane puniki?”

“Napi sane plajahin iraga indik manusa saking ceritane puniki?”

“Sekadi napike sapatutne iraga nyalanang idup manut pengajahane puniki?”

“Kapining sirake sapatutne iraga nyeritayang malih ceritane puniki?”